Апелациониот суд одлучи „бомбите“ да бидат доказ во случајот „Тенк“

Апелациониот суд Скопје одлучи прислушуваните разговори за набавката на луксузниот мерцедес од над половина милон евра да бидат доказ во судењето за случајот „Тенк“ на Специјалното јавно обвинителство.

Случајот „Тенк“ се однесува на злоупотреба на службена положба и овластување од страна на поранешната министерката за внатрешни работи Гордана Јанкулоска и началникот за јавни набавки Ѓоко Поповски, со што му нанеле штета на државниот буџет.

СДСМ: Гордана Јанкулоска и Никола Груевски 2

На вчерашната седница во Апелациониот суд, Јанкулоска побара „бомбите“ да не бидат користени како докази со образложение дека ѝ била нарушена приватноста.

Апелациониот суд досега одлучи „бомбите“ да бидат докази во случаите „Тендери“, „Насилство во Центар“, „Триста“, „Топлик“ и „ТНТ“.