Пентагон: тензиите со Пјонгјанг се политички, не воени

Односите меѓу Соединетите држави и Северна Кореја се затегнати, но „наелектризираната атмосфера“ е повеќе политичка отколку воена, оцени началникот за Здружениот генерлштаб на американските сили Џо Данфорд на сведочењето во сенатскиот Комитет за оружените сили. „Политичкиот простор е очигледно многу напнат во моментот, но не констатиравме никаква промена во положбата на севернокорејските сили“, додаде тој, наведувајќи дека американските сили биле поставени да одговорат на можното предизвикување судири и да ги заштитат сојузниците, Јапонија и Јужна Кореја.