Владата на денешната прес конференција најави дека од октомрви повторно ќе се врати евтината струја во текот на дневните часови.
На прашањето дали во наредниот период ќе има зголемување на струјата, премиерот Зоран Заев одговори дека не очекува такви тенденции
"Струјата е составена и од берзанскиот дел на формирањето на цената на струјата, и ако тенденцијата на светско ниво оди во пораст на цената, тоа, веројатно, ќе има импликации тука. Значи тоа што знаеме е дека до идната година, до 1 јули нема да има корекција на цената, затоа што до тогаш таа е регулирана и нема ни некои очекувања дека цената на струјата ќе расте" изјави Заев, одговарајќи на новинарско прашање на денешната прес конференција.
Тој воедно најави и дека очекува во Македонија да има нови инвестиции во нови извори на енергија.
"Обично цената на струјата расте кога има помала понуда на струја, а има поголема побарувачка. Со обновливи извори на електрична енергија, со присуство на поголеми продукции на енергија на секаде во регионот и во светот,така и ние, нашите тенденции се да имаме нови инвестиции во нови извори на енергија, пред сѐ на нови извори на електрична енергија, што ќе значи зајакнување на домашната продукција на електрична енергија. Сето тоа ни дава за право да очекуваме дека и после регулираниот период од 1 јули, не очекуваме тенденции на покачување на цената на струјата" рече Заев.