Претседателот на Собранието Талат Џафери ја презакажа седницата на која треба да се гласа за разрешувањето на јавниот обвинител Марко Зврлевски. Се очекува шестата седница на чиј дневен ред е точката да започне по одржувањето на осмата седница која е закажана за 15 часот.
Расправата за разрешување на Зврлевски заврши вчера. Опозицијата ја напушти расправата оти, како што наведоа пратениците од ВМРО-ДПМНЕ, Антикорупциската комисија одговорила дека јавниот обвинител не може да биде разрешен, бидејќи противзаконски е да се менуваат функционери додека не се одржат изборите.