Владата на СДСМ треба да ги исполни ветувањата дадени пред граѓаните и да ја внесе државата во ЕУ и НАТО, соопшти денеска ВМРО-ДПМНЕ. Оттаму велат дека Заев и Владата треба да го искористат моментот и да ја внеста Македонија во ЕУ и НАТО за три до шест месеци, како што ветиле на изборите.
ВМРО-ДПМНЕ ги поздравува средбите и телефонските разговори кои ги остварил Заев со лидерите на поважните земји од меѓународната заедница од кои добил поддршка за реформите, се вели во соопштението, во кое се нагласува оти со тоа дефинитивно е отстранета секаква дилема дека ВМРО-ДПМНЕ е пречка за членство на Македонија во ЕУ и НАТО и дека како партија веднаш ќе гласа во Парламентот за членството на Македонија.