Собранието на Македонија денеска во рамки на продолжението на шестата седница донесе одлуката за давање согласност на општите акти на Народниот правобранител, односно за правилникот за организација и делокруг на работата на стручните служби на Народниот правобранител и систематизацијата за работните места, со што ќе се овозможи непречена работа на неколкуте канцеларии на Народниот правобранител и тоа во Скопје, Тетово, Куманово, Кичево, Битола, Штип и Струмица.
По пријавата за расправа по следната точка, предлогот за разрешување на јавниот обвинител на Македонија Марко Зврлевски, претседателот на Собранието Талат Џафери ја прекина седницата и нејзиното продолжение го закажа за утре во 11 часот.