НАТО денеска одржа воени вежби во Бугарија во кои учествуваат 25 илјади војници од повеќе од 20 земји членки на Алијансата и нејзини партнерски држави, што се главни воени вежби на Алијансата во Источна Европа. Вежбите под име „Чувар на сабјата“ се предводени од американската армија и ќе траат до 20 јули, а ќе се одржуваат и во Унгарија и Романија, како и во воздухопловните бази во Црното Море.
Во рамки на целата операција ќе се одржат вкупно 18 воени вежби, а целта е зголемување на интероперативноста на земјите учеснички, како и демонстрација на одлучноста и подготвеноста на НАТО да ја зачува безбедноста и стабилноста во регионот на Црното Море. На годинешните вежби учестрвува и единица на Армијата на Република Македонија.