Претседателот на законодавниот дом, Талат Џафери денеска изјави дека Собранието е една од клучните институции за враќање на Македонија во демократските текови и евроатланските интеграции и затоа е неопходно да се зајакне неговата улога. Според него, има подготвеност кај сегашното парламентарно мнозинство за тоа да се оствари. Тој на конференцијата на тема „Зајакнување на улогата на Собранието - помеѓу реформите и политичката волја“ се заложи и за зајакнување на надзорната функција на Парламентот како законодавна власт над работата на извршната власт односно Владата.