Францускиот крајно десничарски кандидат за претседател Марин Ле Пен се соочи во синоќешната дебата со нејзиниот центристички ривал Емануел Макрон на која главни теми беа француската економија и безбедноста на земјата. Ле Пен оцени дека Макрон немал никаков план за безбедноста и го обвини дека имал врски со контроверзни исламски радикали. Макрон пак ја обвини Ле Пен дека „кажува лаги“ и оти таа ќе ја доведе Франција токму таму каде што сакаат исламските екстремисти, во граѓанска војна.
