Вашингтон загрижен за политичките тензии во Македонија

Портпаролот на Стејт департментот Џон Кирби вчерашната редовна прес конференција ја почна со реакцијата на Вашингтон во врска со политичката ситуација во Македонија. Притоа тој изјави: „Првин за Македонија. Ние сме загрижени поради зголемените политичките тензии во Македонија по парламентарните избори на 11-ти декември и ја осудуваме провокативната реторика од некои политички лидери, напаѓајќи ги демократските институции и амбасадорите акредитирани во Македонија. Ние ги повикуваме политичките лидери да ги запрат неоправданите напади, да ги почитуваат демократските процеси и да дозволат формирање веродостојна, стабилна влада посветена на владеењето на правото, одговорноста и основните слободи. САД се подготвени да и помогнат на една таква влада за да се постигне долгорочната цел за евроатлантска интеграција, рече портпаролот на Стејт департментот Џон Кирби.