Граѓаните гласаа за крај на кризата во која СДСМ ја втурна Македонија, рече портпаролот на ВМРО-ДПМНЕ Иво Котевски на прес-конференција во партиското седиште. Тој оцени дека изборите поминаа без сериозни инциденти, а граѓаните слободно и демократски гласаа. Котевски рече дека е рано да се коментира големата излезност на граѓаните на гласање, но рече оти верува дека тоа се должи на нивната голема мотивираност. На новинарско прашање рече дека е оптимист во врска со изборните резултати.
