Во општина Дебар до 17 часот своето граѓанско право го оствариле 7.648 од вкупно 17.461 граѓани.
„Одѕивот на гласачите до 17 часот изнесува 43 проценти. Поголем одѕив на гласачи е забележан во попладневните часови. Во најдобар ред, во согласност со изборниот законик, продолжува гласањето во сите 27 избирачки места, изјави Али Реџа секретар на Општинската изборна комисија за општина Дебар.
Оваа општина опфаќа две изборни единици, ИЕ5, со 15 избирачки места и 8.756 гласачи и 12 во ИЕ6 со 8.705 гласачи.
Одѕивот на гласачите во општина Центар Жупа до 17 часот е 27 отсто.
„Од 6.352 граѓани со право на глас, до 17 часот своето граѓанско право го оствариле 1.732 гласачи. Се гласа на 16 избирачки места и гласањето се одвива без проблеми, изјави Ерхан Зубер“, претседател на Општинската изборна комисија за општина Центар Жупа.
Избирачките места во текот на денов беа посетени од странски набљудувачи, а процесот го следат и набљудувачи на невладината „Мост“.
Изборниот процес во општините Дебар и Центар Жупа минува без проблеми.