Американскиот Сенат убедливо го надгласа ветото на претседателот Барак Обама на законот со кој се овозможува подигнување тужби против Саудиска Арабија поради терористичките напади на 11 сепетмври 2001 година. Саудиска Арабија го предупреди Вашингтон дека ваквиот потег ќе има последици врз односите меѓу двете земји, но и врз односите на САД со другите земји од Заливот. Обама во минатата недела стави вето на законот со кој им се дозволува на семејствата на жртвите од нападите во Њујорк да ја тужат Саудиска Арабија.
