Претседателот на Собранието Трајко Вељаноски на почетокот на денешната 101 седница ги констатираше оставките на министрите за внатрешни работи и на труд и социјална политика, Оливер Спасовски и Фросина Ташевска Ременски, како и на дополнителните заменици министри на СДСМ.
Претседателот на Владата за спроведување на изборите Емил Димитриев денеска неколку часа пред почетокот на седницата, до Собранието ги достави оставките на министрите на СДСМ и ги достави новите предлози за министри, според кои, Митко Чавков да биде министер за внатрешни работи и Диме Спасов за труд и социјална политика.
Спасовски и Ременски и дополнителните заменици министри од СДСМ на 6 април оваа година поднесоа оставки.
Претседателот на Собранието, Трајко Вељаноски за денеска во 16 часот ја закажа 101-та собраниска седница по денешната одлука на Уставниот суд да ја преиспита уставноста на самораспуштањето на Парламентот со одложена примена. Уставниот суд донесе и времена мерка за замрзнување на сите изборни активности.