Според официјални армиски лица, новата ограда ќе биде долга 37 километри и на само пет метри од оградата што беше подигната во ноември лани.
Тоа е со цел да и се даде повеќе време на полицијата за да реагира во спречувањето на влегувањето на економските мигранти на кои не им е дозволено да ја минуваат границата.
Над еден милион луѓе избегаа од сиромаштија, војна и репресијата на Блискиот Исток, Азија и Африка и дојдоа во Европа во 2015 година.
Само од почетокот на годинава повеќе од 62.000 луѓе пристигна во Грција. Балканските држави долж трасата не им дозволуваат премин на сите оние кои не доаѓаат од конфликтните региони на Сирија, Ирак или Авганистан.
Полициски началници од Австрија, Словенија, Хрватска, Србија и Македонија се состанаа во Скопје во минатата недела и се согласија дека оние без валидни патни лични карти нема да бидат пропуштани.