Специјалното јавно обвинителство не било запознаено дека против тројца обвинители од тимот на Катица Јанева биле поднесени кривични пријави. За тоа од обвинителството дознале од медиумите. Од скопското обвинителство вчера соопштија дека физичко лице поднело кривична пријава против тројцата обвинители и неколку непознати лица за кривично дело малтретирање во вршење на службата.
Портпаролката на Специјалното јавно обвинителство, Ленче Ристовска ги отфрли наводите како неосновани. Обвинителите, според неа, постапиле согласно нивните овластувања и тој што тврди поинаку, тоа треба тоа и да го докаже.