Полицијата поднесе кривична пријава против судија од Основниот суд во Охрид, поради постоење основи за сомнение за сторено казнено дело „примање поткуп“. Според полицијата, судијата побарал мито од пет илјади денари од вработен во охридска фирма, за да донесе пресуда во корист на туженото трговско друштво. Вработениот го пријавил во полиција, по што минатиот месец му дал 5 илјади денари во обележани банкноти со кои судијата бил уапсен.
