Чешка, како и другите земји од Вишеградската група би можело да и помогне на Македонија во совладувањето на бегалската криза со контингент војници, изјави чешкиот министер за одбрана Мартин Стропњицки. Според него, станува збор за контингент полицајци за што во наредната недела во Прага ќе решаваат претставници на Вишеградската група во која спаѓаат уште, Словачка, Полска и Унгарија. Чешки војници, како што изјави тој, ќе биле испратени и во Словенија.
