На Зоран Заев ќе му се суди за случајот „Пуч“ одлучи Судот. Основниот суд Скопје 1, преку соопштение известува дека донеле одлука со која обвинителниот акт се одобрува во целост, а приговорите на одбраната се одбиваат како неосновани.
„Советот во одлучувањето утврди дека делата кои се предмет на обвинителниот акт се кривични дела предвидени во Кривичниот законик и приложени се докази во прилог на обвинението“, стои во соопштението.
Заев е четврто обвинет во случајот „Пуч“. Другите обвинети се во притвор. Тие се обвинети за шпионажа и насилство спрема претставници на највисоките државни органи. Одбраната на обвинетите во случајот „Пуч“ претходно побара Судот да го отфрли обвинението против петтемина опфатени во случајот.