Јанкулоска: Ако има, опозицијата да достави докази за пасошите

Министерката за внатрешни работи Гордана Јанкулоска денеска апелира до опозиција, ако поседува што било што ним им личи на патна исправа, да го достават и МВР да направи анализа, да провери и да се отстранат сите сомнежи. Ако немаат такво нешто и само манипулираат со јавноста, порача Јанкулоска, тогаш нека си одберат друга тема за сопствена политичка промоција. Ова беше одговорот на министерката на новинарското прашање дали МВР истражува или постапува по однос на објавените информации за наводна изработка на лажни биометриски патни исправи.