Најбогатиот русин Алишер Усманов продава десет насто од акциите во неговата холдинг компанија УСМ. Акциите им биле понудени на високи раководители на фирмите што ја сочинуваат холдинг компанијата. Усманов и натаму ќе има најмногу акции или 48 насто од УСМ. Ваквиот потег, како што е соопштено, не бил поврзан со западните санкции против Русија. Ниту Усманов ниту неговата компанија не се на листата на санкции на Соединетите држави и Европската унија. Неколкумина руски тајкуни ги продадоа акциите со цел да ги сокријат нивните инвестиции во фирмите кои се погодени со санкциите. Се проценува дека Усманов имал над 18 милијарди долари.
