Претседателот на ФИФА Сеп Блатер денеска изјави дека била грешка одлуката за одржување на Светското фудбалско првенство во Катар во 2022 година поради екстремно високите температури. Според него, по се изгледа првенството наместо во јуни и јули би можело да биде поместено во зимските месеци кога во Катар температурите се околу 25 целзиусови степени. Конечната одлука за ваквото поместување треба да биде донесена за време на Светскиот фудбалски куп во Бразил во јуни и јули годинава.
