Џон Кенеди беше четвртиот американски претседател кој е убиен за време на извршувањето на претседателската функција, но прв чија смрт беше снимена на лента која потоа постојано и беше повторувана на шокираната нација.
Одличен оратор и прв претседател на телевизиската ера, неговата смрт уште за време на неговиот прв мандат на 46-годишна возраст го замрзна како голем симбол на нереализираните ветувања.
И половина век од атентатот врз претседателот Џон кенеди, американците се уште је немаат целата приказна, главно поради тоа што голем дел од владините документи остануваат строго доверливи.
Официјалните резултати, базирани врз четири детални истраги покажуваат дека тој бил убиен од истрели од проблематичниот 26-годишен маринец ветеран кој се вратил од бегство во Советскиот Сојуз, Ли Харви Освалд.
Вашиот пребарувач не подржува HTML5
Ексклузивно: Животот на атентаторот Освалд во Минск
Погледнете го и видеото со делови од некои од најважните говори на Џон Кенеди:
Вашиот пребарувач не подржува HTML5
Дел од најважните говори на Џон Кенеди
Иако Американците остануваат поделени околу причината за смртта на Кенеди, тие се единствени во оценката дека станува збор за маркантен претседател и покрај неговиот краток рок во Белата куќа.
Анкетата на Галуп по повод годишнинатата покажува дека три четвртини од гласачите го оценуваат позитивно и покрај тоа што Кенеди умре кога Соединетите Држави беа пред нуклеарна војна и во вселенска трка со Советскиот Сојуз, како и заглавени во војната во Виетнам.
Џон Кенеди, живот во слики
Во законот што во 1992 година го потпиша тогашниот претседател Џорџ Буш се предвидува сите преостанати документи за убиството на Џон Кенеди да не се објавуваат пред 26 октомври 2017 година.
Значи, идниот американски претседател ќе решава дали тие ќе бидат објавени или и натаму ќе се чуваат во тајност.
Во меѓувреме, за Џон Кенеди веќе се објавени 40 илјади книги и десетици филмови. За оваа недела се најеви уште десетици нови книги и две телевизиски серии.
