Американскиот претседател Барак Обама потврди дека ќе присуствува на самитот на Г-20 во Русија, но изјави дека е разочаран од фактот што Москва му даде засолниште на Едвард Сноуден. Во интервју за телевизијата Ен Би Си, Обама не прецизира дали ќе има билетерална средба со рускиот претседател Владимир Путин. Претседателот Обама ја критикуваше Русија и за контроверзниот закон за хомосексуалците, а и оддаде признание на Москва за помошта во АВганистан и во битката против тероризмот.
