Бренгелман: Прием во НАТО штом се реши името

Заклучоците од последниот самит на НАТО остануваат, штом ќе се изнајде решение за спорот за името вашата земја ќе добие покана за членство во алијансата, изјави денеска помошникот на генералниот секретар на НАТО за политички прашања и безбедносна политика, амбасадорот Дирк Бренгелман по средбата со министерот за надворешни работи Никола Попоски. Попоски, пак, изјави дека од Грција се уште нема одговор по писмото што го упати премиерот Никола Груевски до неговиот грчки колега Самарас.