Новинарски протест за ослободување на Кежаровски

Новинарите на протест пред судот во Скопје побараа ослободување од притвор на нивниот колега Томислав Кежаровски од Нова Македонија. Тој се товари дека во новинарски текст од 2008 година го открил идентитетот на заштитен сведок во случајот Ореше, судски процес за убиство на велешанецот Лазо Милошевски. Неговите колеги тврдат дека нема дело, затоа што сведокот воопшто не бил заштитен во моментот кога е објавен текстот, а дополнително сведокот пред неколку месеци рече дека од полициски структури бил принуден лажно да сведочи. Сепак, без да се прејудицира вината на Кежаровски, неговите колеги бараат да му биде дозволено да се брани од слобода.