Над 4.000 ученици и околу 500 наставници од основни и средни училишта од неколку општини во Македонија беа опфатени во едногодишниот проект за мултиетничка интеграција, финансиран од Норвешка, а спроведен од Министерството за образование и наука. Целта на проектот беше децата да ги запознаат јазикот и културата на свои врсници од другите етнички заедници, а наставниците да стекнат знаења и вештини за работа во етнички мешани средини, беше соопштено на денешното претставување на резулатите од проектот.
