Француски токсиколози ќе ја истражуваат смртта на познат руски новинар во 2003 година. Портпаролот на Рускиот истражен комитет рече дека, иако „е јасно дека смртта на Јури Шчекочихин не е криминал“, француски форензички експерти ќе го разгледаат случајот. Шчекочихин беше пратеник во Државната Дума, кој подоцна работеше како истражувачки новинар во московскиот весник Новаја Газета и пишуваше за војната во Чеченија во 90-тите години од минатиот век. Според официјалната аутопсија од 2003, тој починал од алергиска реакција. Сепак, неговите колеги тврдеа дека смртта на Шчекочихин е поврзана со неговата работа. Властите го затворија случајот во 2009 година, но повторно го отворија во 2010 година. Главниот уредник на Новаја Газета Дмитри Муратов оцени дека е преуранета изјавата на Рускиот истражен судија дека смртта на Шчекочихин не е криминална.
