Шефот на грчката дипломатија Димитрис Аврамопулос преку писмо до министерот за надворешни работи Никола Попоски понуди предлог меморандум со генералните принципи за кои Македонија и Грција треба да се согласат во меѓусебните односи. Меѓу нив, како што се наведува, се: потврдување на заедничките граници, меѓусебно почитување на интегритетот и независноста на двете земји и потврда дека Скопје и Атина меѓусебно немаат територијални претензии. Атина предлага Грција и Македонија да се согласат дека конечното решение на спорот со името ќе содржи одредница што јасно ќе ја одвои територијата на Република Македонија од регионот Македонија, особено делот од тој регион во северна Грција и оти договореното име ќе се користи од страна на сите и за сите намени.
Аврамопулос со предлог меморандум за разбирање меѓу Македонија и Грција
Средба на министрите за надворешни работи на Македонија и Грција Никола Попоски и Димитрис Аврамопулос 24Sep2012