Маурер ќе се сретне со Асад

Претседателот на меѓународниот комитет на Црвениот Крст Питер Маурер планира денеска да се сретне во Дамаск со сирискиот претседател Башар Ал Асад и со други високи претставници со цел да го подобри пристапот на помош до цивилите. Разговорите следуваат откако сириските опозиционери вчера соопштија дека сириски воен авион бомбардирал зграда во Ал-баб при што загинале над 20 луѓе меѓу кои имало и жени и деца. Во предградието на Дамаск вчера експлодира автомобил бомба при што загинаа најмалку 5 луѓе. Сириската државна телевизија јавува дека и меѓу тие жртви има жени и деца. Државната новинска агенција за бомбрадирањето како виновници ги наведува „ терористички групи.“