Генералниот секретар на Обединетите Нации Бан Ки Мун синоќа изјави дека ќе го посети Мјанмар и најави средба со про-демократскиот лидер Аунг Сан Су Кји. Неговата најава за посета на 29 април доаѓа по соопштението на ЕУ дека ќе ги суспендира санкциите како наградата за реализираните реформи во изминатава година. Министерите за надворешни работи на ЕУ по вчерашната средба во Луксембург соопштија дека ќе ги суспендираат речиси сите санкции на една година, освен ембаргото за оружје.
