Денеска во Македонија почна пописот на населението, домаќинствата и становите 2011 што ќе трае до 15 октомври. Стартот на пописот беше под знак прашалник поради оставките на членови на Државната пописна комисија. Тоа го стори и претседателот на Комисија Весна Јаневска која оцени дека се подготвувал пописен фалсификат. Македонската влада вчера на нивно место постави нови членови, а нов претседател на Комисијата ќе биде Слободанка Гиевска.
