Генералниот секретар на ОН Бан Ки Мун е вознемирен од ескалацијата на насилствата во Сирија и го повикува сирискиот претседател Башар ал-Асад да запре со користењето на воена сила врз цивилите, се наведува во соопштението на ОН. Официјални претставници на ОН,велат дека генералниот секретар со месеци се обидува да зборува со Асад, но сирискиот претседател досега одбивал да разговара. Последен пат Бан Ки Мун и Башар ал Асад разговарале во мај.
