Евроамбасадорот Ерван Фуере по денешната средба со лидерот на СДСМ Бранко Црвенковски изјави дека пратениците треба да ги решаваат проблемите во Парламентот, каде може да се отвори дијалог за сите постоечки предизвици. Според Фуере единствен начин за подобрување на состојбата во земјата и унапредување на реформите е можно само преку дијалог на политичките партии. Тој побара од властите да организираат лидерска средба за отворените прашања во земјата.
