Поранешниот битолски интернат, руина

Зградата во близина на центарот на Битола, позната како стариот средношколски итернат, рунирана со децении и повеќе пати опожарувана, денес е извор на зарази, дувло во кое навраќаат сомнителни лица и место кое се користи како јавен тоалет. Од запуштениот објект се шири непријатна миризба, а внатрешноста е претрупана со отпад, па наликува на јавна депонија. Објектот е смесетен на улица „Едвард Кардељ„ во централното градско продачје, оддалечен на неколку метри основно училиште, заобиколен од сите страни со стамбени згради. Пред две години во интернатот се случи грозоморно убиство, а и денес навраќат лица со девијантни однесувања, пред се наркомани и скитници. Во едно вакво опкружување околните жители стравуваат за својата безбедност и здравје.

,,Треба да се најде начин, ова е катастрофа невидена."

,,Треба нешто да се преземи зашто ова овде е дувло. Пред години загина тука еден наркоман. Мора да се преземи нешто во центарот на градот е."

,,Крајно време е сега, но и пред години требаше да биде тоа. Ова испадна сите да го користат како веце, ништо друго. Ништо никој не презема попусто е човек да зборува."

,,Што било нешто да се среди, ова е катастрофа овде. Додека беше интернат, друг систем беше, средено беше. Објектот не е ни многу стар може да се реновира, ама тоа е."

Објектот како интернат не се користи околу 25 години. З овој период од таму е иснесено се што било вредно, па дури и вратите и прозорците. Од општината велат дека објектот е во надлежност на Министерството за образование. Наскоро се очекува повик за наоѓање концесионер. Ако постапката биде неуспешна објектот ќе се даде на лицитација. Ако и тоа не вроди со плод, следен чекор би можел да биде покренување на постапка со која некогашниот интернат би се пренел во надлежност на општината.