Советот на Европската унија го продолжи мандатот на мисијата ЕУЛЕКС во Косово до 14 јуни 2012 година. По тој повод специјалниот претставник на ЕУ за Косово, Питер Фејт и шефот на мисијата Ив де Кермабон одржаа прес-конференција за најновите политички случувања и за активностите на мисијата на ЕУ во Косово. Инаку, главната цел на ЕУЛЕКС е помош и поддршка на косовските власти во почитувањето на правото, посебно во полицијата, во судството и во царината.
