Италијанската фирма „Текнохозе“,која произведува армирани гумени црева за висок притисок за автомобилската индустрија, ќе инвестира 10 милиони евра во фабрика во Технолошко индустриската развојна зона Скопје 1 - Бунарџик во која ќе се вработат 150 лица. Почетокот на инвестицијата беше означен денеска на Македонско-италијанскиот бизнис форум во Скопје со потпишувањето на Договорот за закуп на земјиште во слободната економска зона Бунарџик меѓу Андреа Витило, сопственикот на Групацијата „Витило“ чиј дел е „Текнохозе“ и директорот на зоната Марјан Јованов.
