Британската агенција за борба против организираниот криминал соопшти дека менувачниците во оваа држава од пред околу еден месец престанале да продаваат банкноти од 500 евра затоа што нивното користење им оди на рака на криминалците. Оваа агенција ги убедила банките кои ги снабдуваат менувачниците со пари, доброволно да престанат да тргуваат со банкнотите од 500 евра со цел да го осуетат перењето пари. Оваа банкнота им овозможува на криминалците да исперат големи суми пари преку релативно малку трансакции.
