Претставник на Белата куќа денеска е во Бишкек на разговори со привремената влада. Мајкл МекФаул, советник на американскиот претседател Барак Обама, денеска се сретнал со Алмазбек Атамбаев, вицепремиерот на киргистанската привремена влада. Од канцеларијата на вицепремиерот соопштија дека целта на посетата на американскиот советник била подобро запознавање со сегашната ситуација во Киргистан. За сега нема детали за што точно разговарале МекФаул и Атамбаев. Привремената влада ја превзема власта во Киргистан по минатомесечните протести во земјата, по кои претседателот Курманбек Бакиев го напушти Киргистан.
