Обединетите нации соопштија дека донаторите ветија скоро 10 милијарди долари помош за обнова на Хаити по катастрофалниот земјотрес. Генералниот секретар Бан Ки Мун изјави дека повеќе од 100 земји и меѓународни организации кои учествуваа на вчерашната донаторска конференција во Њујорк ветија оти помошта на Хаити ќе стигне во текот на наредниве три години. Бан Ки Мун прецизира дека тоа е многу повеќе од очекуваните околу 4 милијарди долари. Во земјотресот што на 12 јануари го погоди Хаити загинаа околу 200 илјади луѓе, а над милион и 300 илјади останаа без своите домови.
