Претседателот на Словачка Иван Гашпарович на денешниот втор ден од неформалниот министерски состанок на НАТО во Братислава апелира до Алијансата да не го заборави Балканот поради приоритетните мисии како што е во Авганистан. Тој вети дека Словачка, без оглед на глобалната економска криза, ќе ги исполни своите обврски во НАТО. Генералниот секретар Андрес Фог Расмусен вчера во Братислава оцени дека мисијата во Авганистан е најсложениот предизвик со кој НАТО се соочил досега.
