Хрватска е блиску до членство, а останатите балкански земји треба да вложат поголеми напори, за да ги исполнат европските критериуми, се наведува во нацрт-извештајот на Европската комисија за напредокот на земјите на патот кон членство во Европската унија, јавува МИА. Според информациите што МИА ги објавува, во нацрт-извештајот пишувало дека останатите балкански земји, Србија, Албанија, Македонија, Босна и Херцеговина, Црна Гора и Косово, постигнале нестабилен напредок на патот кон членство, се наведува во документот. Србија, според ЕК, има најголеми административни капацитети за да ги спроведе потребните реформи.
