Минатонеделните меѓународни преговори со Иран имаа ограничен успех, констатираа американскиот државен секретар Хилари Клинтон и секретарот за одбрана Роберт Гејтс во заедничко интервју за телевизијата Си-Ен-Ен. Клинтон изјави дека разговорите во Женева на САД им обезбедиле повеќе време за проценка на посветеноста на иранските власти спрема нуклеарната програма. Таа додаде дека Соединетите Држави и натаму ќе бараат меѓународни санкции за Иран доколку властите во исламската република не се откажат од својата програма за збогатување на ураниум.
