Директорот на Меѓународниот монетарен фонд Доминик Штраус-Кан не му придаде големо значење на денешниот инцидент, кога за време на говорот што го одржа на универзитет во Истанбул, еден турски студент фрли чевел кон него. Штраус-Кан рече дека ги слушнал мислењата на студентите , но ММФ има работа што мора да ја прави , дури и доколку сите не се согласуваат со нив. Додека траеше говорот на Штраус –Кан пред универзитетот протестираше и група од 30 студенти. Полицијата уапси околу 25 демонстранти.
