Потпретседателот на Европската комисија задолжен за правда, слобода и безбедност, Жак Баро, денеска во Белград ќе ја отвори регионалната конференција за борба против организираниот криминал во Западен Балкан. На дводневната конференција ќе учествуваат министри за внатрешни работи и за правда од регионот, претставници на ОБСЕ, Советот на Европа, Еуропол, Интерпол и Еуроџаст. Тема на конференцијата ќе биде зајакнување на регионалната соработка како предуслов за успешни судски постапки.
