Американскиот специјален дипломатски претставник Ричард Холбрук го пофали „многу значајниот напредок“ на Пакистан, во преземањето на контролата на областите што порано ги контролираа Талибанците. Холбрук денеска ја почнува официјалната посета на Пакистан. Тој изјавил дека Соединетите држави ќе обезбедат повеќе оружје за поуспешна борба против милитантите, но ветил и економска помош.
