Ирачките власти соопштија дека петмина загинале денеска во неколку напади во земјата. Во Багдад биле застрелани двајца полицајци кои биле на патрола во центарот на главниот град. Во инцидентот загинал и еден од напаѓачите. Во градот Мосул во северниот дел на земјата еден полицаец загинал а тројца се повредени во експлозија на бомба поставена покрај пат. Во друг инцидент, исто така во Мосул, вооружени напаѓачи убиле цивил. Северно од Багдад внук на полицаец бил кинднапиран и убиен.
