Хилари Клинтон во посета на Ирак

Хилари Клинтон денеска пристигна ненајавено во Багдад во прва посета на Ирaк како американски државен секретар. Таа изјави дека со американскиот командант Генерал Реј Одиерно разговара за безбедносната ситуација, а има средби и разговори и со Претседателот Џалал Талабани и со Премиерот на Ирак Нури Малиќи. Нејзината посета доага два дена по смртоносните напади во Ирак во кои загинаа над 150 лица. На новинарите кои патуваат со неа, Клинтон им изјави дека последните напади покажуваат дека екстремистите стравуваат бидејки земјата се движи во вистинска насока. Клинтон изјави дека не гледа знаци дека земјата се враќа назад кон верското насилство и изрази подршка за напорорите на ирачката влада. Во Багдад Клинтон изјави дека и покрај планот за повлекување на американските трупи, Соединетите Држави остануваат посветени на Ирак:


„Претходната администрација се согласи на повлекување на нашите трупи и ние го поддржуваме тоа. Сакаме да го направиме тоа на целосно одговорен и безбеден начин и секако да ја прошириме нашата соработка со луѓето и владата во Ирак, да им помогнеме на властите за воспоставување на владеење на правото и да му помогнеме на цивилното општество.“












Американскиот Претседател Барак Обама кој го посети Ирак пред 2 недели предупреди дека следниот период од 18 месеци ке биде критичен за Ирак. Американските сили треба да се повлечат од големите градови до крајот на јуни годинава согласно договорот меѓу Вашингтон и Багдад.