Ирачкиот премиер Нури Ал Малики зборувајќи на самитот на Арапската Лига што денеска се оддржува во Катар, рече дека несогласувањата меѓу арапските држави ,,му штетат на Ирак.“ Тој ги повика арапските земји да одиграат значајна улога во обновата на Ирак и апелираше на ,,усвојување заедничка арапска стратегија“. Малики исто така упати повик до државите од арапскиот свет повторно да ги отворат своите амбасади во Багдад и да ги отпишат ирачките долгови останати во наследство уште од режимот на Садам Хусеин.