Американскиот потпретседател Џо Бајден изјави дека Соединетите Држави не победуваат во Авганистан, но според него ,,војната е далеку од изгубена“. Бајден денеска е во Брисел на состанок со амбасадорите на НАТО, на кој се разговара за мисијата во Авганистан. Во обраќањето пред амбасадорите тој изјави дека влошувањето на ситуацијата во Авганистан претставува закана за безбедноста на секоја земја членка на НАТО и предупреди дека екстремистичките сили се возобновуваат во Авганистан како и во соседен Пакистан.